India nung onok indang Guardian ji Farah Khan lir : The Vamps

Mumbai, November 20 (Agencies) : India nung Director aser choreographer Farah Khan-i nüngtugu kentener telok- The Vamps indang music video ka tuyur.
Iba music video Nakhra ya music composer duo Vishal-Shekhar na den yaritepa yanglur.
Honibarnü osangbener den sensaksemdang The Vamps züngsem kati ashiba agi, “Farah Khan ji yangi onok indang guardian ka ama lir. La ama director mongin ka den inyaksembaji onok atema maongka tulu ka lir. Onok kanga dang jangratema la den inyakogo.”
“India ya linük tajung ka lir aser onok jangratema mungogo” ta parnokisa ashi.
“Telok nung tantsütilaji ni lir aser ni parnok den jangratema shilem agiogo. Parnoki (The Vamps) kanga meranger aser mapang shitak amshir. Parnoki Bollywood indang jilu kanga junga ajizük” ta Farah-ia osangbener dang ashi.
Laisa ashiba agi, The Vamps züngsemtemi auto-rickshaw aser bus garitem nunga mener shilem agi.
“Onoki Los Angeles, Spain mesüra London amala nung video yanglur aser alima tesem balaka nung shilem agibaji kanga jangratemtsüka liasü. Kasa osettem yimya balaka nung amshiba angudang onoki kanga süngmanga reprang” ta The Vamps züngsemtemisa metetdaktsü.