India nung Police Battalions tasen 17 lapoktsü

Union Home Ministry-i Jammu & Kashmir aser Naxal telungpurtem alidak state tesemtem atema police battalions tasen 17 lapoktsü ta metetdaktsüogo.
Police battalion 17 rongnungji Jammu & Kashmir atema 5 aser tanüngba 12-ji Maoist tali bulua alidak atema asütsü ta tan ita July 20 nü metetdaktsüogo. Iba battalion tasen 17 atema aji sen crore 61 indoka lapoktsütsü. Naxal tali bulua alidak state tesem nungji noklang shilem nung 75 sepai menden tazüngji lira, district 27 nung kanga mejungi telungpurtemi timtim agüa lir item kasa district-tem nungi menden tazüngji lanurtemi süngdaktsütsü ta Union Home Ministry ajanga metetdaktsüogo.