India nung Samsung Galaxy On7 Prime sayaogo

New Delhi, Aenjeti 17 (Agencies): India nung Samsung Galaxy On7 Prime sayaogo aser sen 12,990 agi Aenjeti 20 nungi tenzüka Amazon India aser Samsung dealers nung iba phone angutsü. Iba smartphone ya full-unibody design den tesülen aser tejaklen aliba camera ya 13-megapixel alitsü aser octa-core processor keta lir.
Iba handset nung Samsung Mall app keta lir, koba ajanga customer temi noksa nung dang ‘click’ sür lijaliyongba website balala nung iba noksa indang oset bushitettsü. Tang tasenba Samsung Mall app nung Shopping aser Universal Cart features keta lir. Iba smartphone nung Samsung Pay Mini features keta lir, koba ajanga UPI (Unified payments interface) aser mobile wallet ajanga senotsü tsütateptettsü.
Specification tsütsü reprangdangra, Samsung Galaxy On7 Prime nung 5.5-inch full-HD display keta alitsü. Iba phone nung 1.6GHz octa-core Exynos 7870 processor keta lir aser kasa phone ya 3GB aser 4GB RAM option nung angutsü. Samsung Galaxy On7 Prime nung 32GB/64GB onboard storage keta lir. Iba smartphone indang tejaklen camera ya 13-megapixel den f/1.9 aperture lens aser LED flash keta alitsü. Galaxy On7 Prime nung microSD card amshia 256GB tashi memory inoka amshitettsü.
Customer temi iba phone ya Amazon Pay balance amshia alira sen shilem 20 agi tajemba nung agütsütsü. HDFC Bank debit aser credit card amshia alir nem sen shilem 10 cashback agütsütsü aser iba den külemi Jio Money cashback offer sen 2,000 alitsü.
Galaxy On7 Prime nung home button keta lir aser phone temang ajunga yin dang alitsü. Sen 12,990 jenjang Galaxy On7 Prime ya Gold aser Black sentsü nung angutsü.