India nung ‘satellite’ amshia ‘mining’ asüba mittsü

Bengaluru, September 24 (Agencies): Mines Secretary Balwinder Kumar-i, “Linük ali telung nung aliba rongsen wazüka aser kümzüka ayutsü tangatetba nung onoki ‘India space agency’ dang satellite tem amshia ozüng alema item rongsen atuba mittsü tejembidak lir,” ta business sentong ka nung metetdaktsüogo.
Anünglak nungi iba maparen inyaktsü asoshi Indian Space Research Organisation (ISRO) den Indian Bureau of Mines (IBM)-i memunoi tezüngzüktepba ka nung sign asütsü sentong lir.
“ISRO ketdangsertem den onok October 1 nü New Delhi nung ajurutepa iba dak sendakba nung sensak asemtsü sentong lir, kechiba süra ozüng alema ali telung nung aliba senti oset atuba mittsü asoshi ‘space technology’ ajak renema lir,” ta Kumar-i ashi.
Nagmati, petroleum, natural gas, atomic minerals aser minor mineral tem dak alaka tanüngba senti oset ajak IBM-i mita atatsü.
Karnataka aser Goa state tem nung ozüng alema tashiyim agi item osettem tutetba ajanga ‘iron ore’ atuba shibangja lir aser ibaji azüoktsü aser mittsü atema committee ka tenzüktsü asoshi Supreme Court-i tetuyuba agütsüogo.
Ajak ajungtsü asoshi, Ato Kilonser Narendra Modi-i September 7 nü ministry ajak dang, ISRO den angatettepa ‘space technology’ amshitsü tetuyuba agütsüogo.
Anungji tang nungi iba sentong takok angutsü asoshi New Delhi nung aliba space agency ajanga state balala den angatettepa inyaktsü.
Federation of Indian Mineral Industries (FIMI) o mines ministry nati ayonga asem nü amungba “Annual Mining, Exploration Convention aser Trade Show” sentong Bangalore International Exhibition Centre nung akaba mapang Kumar-a shilem agia liasü.