India nung shilem 96-i noksa tajungka tangoktsü asoshi selfie ka dak nungi tali agir

New Delhi, March 17 (Agencies): India nung nüburtemi group selfie tali tangokdar.
Oxford dictionary ajanga Selfie terasa yamai agütsür: “pei sasa pei noksa agiba dang selfie ta ajar”. Yimya agi selfie ya smartphone mesüra webcam ajanga agir social media ajanga lemsateper.
China nung amenoker aliba selfie-centric smartphone yanglur OPPO ajanga bushisüngdangba company Nielsen den longjemer India nung nüburtem Selfie tangokba yimya asadanga liasü.
Parnok yamai bushitet:
# Mobile ajanga noksa 10 agiba nung 6-bo selfie asür.
# Selfie 10 agiba nung 6-bo group selfie asür.
# Noklang nung shilem 89-ibo kinunger aser medemertem den ajurutepdang selfie aginür.
# Shilem 96-i selfie agiba shia noksa tajung ka shimtettsü asoshi noksa ka dak nungi tali agir.
# Nüburtem shilem 66-i ashiba agi, selfie taongok dang tetsükdaktsü tulutibaji frame ka nung nisung ajak semdaktsütsü merangba lir.