India nung Smartphone amshir Million 300 tema lir

January 24, 2017 (Agencies): 2016 küm Global market nung smartphone ayokba nung shilem asemsü agi timba aküm saka India nung Chinese phone kanga jenjang dalang agi talubosa anguba ajanga shilem 18 agi timba küma liasü aser India nung smartphone amshir million 300 alemogo, ta bushitetba osang ka Mongulbarnü sangdong.
2015 küm Vivo, OPPO, Lenovo aser Xiaomi amala Chinese smartphone shishilembaba nung shilem 14 liasü aser 2016 küm 4th quarter nung shilem 46 aküm.
Demonetisation ajanga India nung smartphone temaba jenjang pongu tashi nung India nung yangluba smartphone kata meliasü.
2016 küm smartphone million 83 dak tali “Made in India” liasü.
2016 küm 4th quarter tashi nung smartphone pezü nung asembo India nung yangluba liasü, aser India-i smartphone 10 bener aruba nung 7 po LTE (4) amshitetba phone liasü.
2016 küm Apple indang iPhone million 2.5 ayok. 2016 küm 4th quarter nung Apple phone ya smartphone jenjang 10 buba nung liasü saka market share nung shilem 62 liasü.
Chinese phone ya smartphone market nung November ita shilem 51 renloka liasü. Smartphone asem ayokba nung kabo e-commerce ajanga ayok aser iba ajanga 2016 küm e-commerce nung smartphone ayokba shilem 24 aküm.