India nung takartisang

Taküm, March 2, 2015 nü US magazine Forbes ajanga India linük nung takartem tenüng metetdaktsüba nung Mukesh Dhirubhai Ambani linük nung takartiba ta metetdaktsüogo. Pa ket nung US sen billion 23.6 alang rongsen lir aser pa ya tang Chairman, Managing Director aser Reliance Industries Limited (RIL) nung share holder tulutiba lir. Ambani ya alima rangben nung takartem tarensen nung jenjang 39 buba nung lir. Pa küm tibuba atonga atonga India nung takartem rongnung takartiba jenjang nungi marakzüi lir. 2013 kümbo pa India nung takartiba dang masü saka Asia nunga takartem rongnung jenjang tanabuba nung liasü.
Pa Reliance den sentaktepba akümba sülen, Indian Premier League (IPL) nunga Mumbai Indians team kibur ka ama lir. 2012 küm Forbes ajanga pa saisapong kibur rongnung takartiba ta metetdakja liasü.