New Delhi, May 28 (Agencies): India nunger election otsü nung tang mezüng tatalokba ka nung, tanü Election Commission (EC)-i candidate temi election nung sen amshiba kuli ngua Tamil Nadu assembly menden ana anentsütsü lemtetogo, aser mapang tetemsü nung election agishitsü metetdaktsüogo.
Candidate tem aser party temi vote agütsütsüpurtem nem sen jenti lemtsüba aser sempet balala lemtsüba osang angazükba sülen tamalen EC-i Aravakurichi aser Thanjavur Assembly constituency na nung election anogo anaben tashi thinena liasü.
Election May 16 nü agitsü aliba May 23 tashi atsülang, aser May 21 nüa EC-i maneni June 23 nü tashi anogo atsülanga liasü.
EC-i ashiba agi, election observer tem, Central observer nungi special teams den Aravakurichi aser Thanjavur constituency na nung observer tem osang nung ajemdaker iba telemtetbaji agi.
“Candidate aser party temi sen aser sempet balala amshia vote agütsütsüpur mesüzüktsü merangbaji süoki ia agitsü ochimashi inyakyim lir, aser mapang tetemsü nung item menden ana nung election junga agitettsü atema menden anaji anentsütsüla,” ta EC ketdangser kati metetdaktsü.
Taoba mapangtem nung tashiyim amshidang ang EC-i iba telemtetba agia liasü, ajisüaka sen amshiba ajanga iba telemtetba agiba yabo kodanga mangashidangba ka lir.
Ano tanga osang ka nung, tanü DMK-i EC dang, Ramzan mapang atonger aser Tamil Nadu nung Rajya Sabha election agitsü lir, anungji Aravakurichi aser Thanjavur Assembly constitueny na nung June 13 matongdang masü saka June 6 matongdangsa election agitsü sangdongdaktsüner, ta mepishiogo.
You must be logged in to post a comment Login