India nung tang mezüng tetsür figher pilot asem shimogo

Hyderabad, June 18, 2016: Honibarnü Air Force Academy, Hyderabad nung Union Defence Minister, Manohar Parrikar aser tang mezüng IAF nung tetsür fighter pilots nung commission süa alir- Flying Officer, Avani Chaturvedi, Flying Officer, Bhavana Kanth aser Flying Officer, Mohana Singh nunger kulemi tangokba noksa ka angur.

Hyderabad, June 18 (Agencies): Indian Air Force (IAF) nung tang mezüng otsü tasen ka yanglua tanü Hyderabad nung aliba Air Force Academy, Dundigal nung Avani Chaturvedi, Bhawana Kanth aser Mohana Singh nunger mezüng tetsür fighter pilots atema commission süogo.
Iba sentong nung tongti tesemdanger Union Defence Minister, Manohar Parrikar-i, “Tang mezüng tetsürtem nem raraba shilem agütsüba ya alizüng ka tongtetba lir,” ta ashi.
Tetsür pilot asem ya mezüngbubaren training takok ngua tembangba sülen tanü IAF fighter stream nung aniokogo.
Parnok asem küm ka piyong advanced training agitsü aser 2017 küm June ita tashi nungbo ‘fighter cockpit’ nung anioktsü.
Tan ita nungsa par asemprong Karnataka nung Bidar-i oa küm ka piyong Hawk advanced jet trainers nung stage-III training agitsü, iba sülen ang parnoki raraba tayimtsü ayimtsü.