India nung tanur asodang ghonda shia tetsür pongu asür: WHO

New Delhi, June 17 (Agencies): India nung tanur asodang timtem balala ajanga ghonda shia tetsür pongu jungnüa asür, aser item timtem rongnung kuli tulubaji ‘hemorrhage’ azü kanga yimtokba lir, ta World Heath Organisation (WHO) osang ka ajanga ashi.

India nung kümshia tanur asoba dak sentakba kuli balala ajanga tetsür 45,000 jungnüa asür, aser iba ya alima nung kasa timtem ajanga asürtem shilem 17 lir, ta WHO-i ashi.

World Health Organisation-i ashiba agi, nosodang asüba kuli tulubaji Post-Partum Haemorrhage (PPH) lir, iba ya tanur asoba sülen mezüng ghonda 24 tsüngda azü ml 500-1,000 dak tema yimtokba lir.

“World Health Statistics (WHS) 2016 nung ajemdaker, India nung MMR (Maternal Maternity Rate) ji 174/100,000 live births lir. WHS 2016 küm MMR higher estimate ji 174/100,000 lir, aser küm shia birth cohort ji million 26 shi lir, aser ibaji ajanga India nung kümshia tanur asoba dak sentakba kulitem ajanga tetsü 45,000 jungnüa asür ta asadangteter,” ta WHO-i ashi.

“Iba ya ajanga (India nung) ghonda shia tetsü pongu shi asür ta asadangteter,” ta India atema WHO country office ketdangsertemi ashi.