India nung Vivo NEX jenjang ajemtsüogo

Aenjeti/January 03 (Agencies): Tawa smartphone yangluba company Vivo-i parnok indang Vivo NEX Dual Display Edition sangdongba ajaki jangjaa lir aser kasa mapang nung iba brand yagi Qualcomm Snapdragon 710 SoC den 8GB RAM aketba smartphone dalang ka yangludar ta olulutem ajanga angazükogo.
Tang Vivo brand yagi parnok indang taoba Vivo NEX smartphone jenjang tajemba agi agütsütsü sangdongogo. Iba smartphone jenjang sen 39, 990 asütsü.
Vivo NEX smartphone ya taoba küm July nung sayaa liasü aser smartphone nung aketba feature tajungtemji – all-screen display, on-screen fingerprint reader, Snapdragon 845 aser selfie camera asütsü.
NEX smartphone tesülen aser tejaklen 12MP+5MP aser 8MP selfie camera keta aliba angutsü.
Smartphone screen-to-body ratio ji shilem 91.24 asütsü kong 6.5-inch Super AMOLED display den 19.3:9 aspect ratio keta lir. Vivo-i iba display nüngja ‘Ultra FullView Display’ agütsüogo. Handset ya Snapdragon 845 chipset den 8GB RAM ajanga tashi agütsür aser onboard storage atema 128GB inoka yanglutsüogo.
Vivo NEX ya Android 8.1 Oreo ajanga mapa inyaker kong FunTouch OS 4.0 den AI ajanga yarisemer.
Connectivity tsütsü reprangdangra, iba handset nung 4G LTE, dual-band Wi-Fi, Bluetooth 5.0, USB 2.0 port aser OTG (On The Go) keta aliba angutsü.
Handset ya 4000mAh battery ka ajanga tashi agütsür. Security atema NEX smartphone nung in-display fingerprint sensor inoka yanglutsü aser company-i ashiba agi, handset ya taoba dang nungi shilem 10 agi takaraba aser shilem 50 agi tajungba asütsü.
Talinertem atema Vivo NEX smartphone ya Amazon India ajanga angutsü.