India nung WhatsApp amshir Million 200 jungogo

February 25, 2017 (Agencies): Mobile messaging service WhatsApp-i Hokolbarnü India nung WhatsApp amshir million 200 ajungba metetdaktsü.
WhatsApp, co-founder Brian Acton aser WhatsApp shishilembaba nung tekolak Neeraj Arora nati kaketshirtem den sensaksemtsü asoshi Delhi nung Indian Institute of Technology semdang.
Iba sensaksem whatsApp purtemi India nung tajangzük agütsütsü asoshi lenmangtem koda asütsü, ta asüba onük nung tali rangloker sensakasem, kechiyong India nung million aika asoshi sentong tajungtem agütsütsü asoshi parnok sentong aliba, company osang ka ajanga metetdaktsü.
WhatsApp-i parnok App amshirtem parnok account kümzüka ayutsü asoshi features balala yanglua yokdar.
Tawa “Status” tasen ajungketba nung iba app amshirtemi noksa, GIFs mesera video tem ma nung drawing, emoji aser caption tem zülur yoktettsü, koba gondha 24 atema alitsü aser iba sülen samaa aotsü.
Maneni tamshirtemi parnok indang Status update asüba shirnoki reprangdangar aji Status update asüba bonglang nung ‘eye icon’ nung anem nung metettsü. Iba sentong tasen alima ajunga nung iPhone, Android aser Windows device balala nung amshitettsü.