India nung WhatsApp amshir nisung million 160 shi lir

New Delhi, November 15 (Agencies) : India nung WhatsApp amshir nisung million 160 shi lir ta tanü company-i metetdaktsü.
Alima nung kanga dang nüngtugu messaging app ya Facebook indang lir aser parnoki ashiba agi alima nung WhatsApp amshir nisung billion ka tema lir.
WhatsApp nung Business Development Vice President, Neeraj Arora-i ashiba agi, tanga linüktem dang nungi India nung WhatsApp amshir timba lir.
Diwali anogo nung WhatsApp ajanga osang billion 8 tashi belenshi aser ibaji anogo ka nung osang timtiba belenshiba lir, ta Neeraj-isa ashi.
WhatsApp nung mezüng voice calling feature enoksemer, engineer Manpreet Singh-i ashiba agi, anogoshia voice call million 100 shi WhatsApp nung prokshir.
WhatsApp Video Calling tenzüker
Tanü nungi WhatsApp-i FaceTime aser Skype ama video calls lapoktsüogo aser item call ji angadi asütsü.
Wi-Fi mamshi yonga cellular data ajanga video calls asütsü akok aser iba feature ya linük 180 nung tenzüktsü, ta WhatsApp co-founder, Jan Koum-i metetdaktsüogo.