India nung yangluba Suzuki Motorcycle, Gixxer Japan-i belentsü

January 21, 2017(Agencies): Suzuki Motorcycle India-i ashiba agi, India nung yangluba motorcycle ‘Gixxer’ Japan nung ayoktsü asoshi belentsü.
Suzuki Motor Corporation (SMC) ya Japan nung amena lir, aser Suzuki Motorcycle India Pvt Ltd- iba model ya India nung Suzuki motorcycle yanglua aruba rongnung mezüngbuba tsürapur company aliba linük-i ayoktsü asoshi yoktsü.
Company-i mezüngbuba shilembo Japan-i yokogo. ” Onoki Gixxer Latin America aser temeket linük kar nungbo ayoktsü asoshi belentsü tenzükogo,” ta osang ajanga ashi.
“India nung yangluba garitem Japan-i yoktsüsa yanglutetba ajanga oset tajung yangluba jangjatsür, aser SMIPL alima ajunga nung ayima inyaktsü tenzükba sayur,” ta SMIPL Managing Director Satoshi Uchida-i ashi.
Maneni Gixxer Japan-i yokba ajanga kasa jenjang nung motorcycle tem rongnung, SMIPL India nung yangluba oset kanga junga yangluba aser technology tangar den meneptepa ainba sayur, ta paisa shisem.
“Japan nung Gixxer kanga junga ayoktsü ta onoki temolung lema bilemer,” ta Uchida-i metetdaktsü.
Gixxer nung 155cc engine keta lir aser maneni single cylinder, air cooled engine aser five-speed gearbox ta densema yanglua lir.