India nung YouTube Kids App sayaogo

New Delhi, November (Agencies) : Google meyong YouTube-i India nung YouTube Kids ta ser video platform ka sayaogo. Iba app ya India nung Google Play aser App Store ajanga download sütettsü aser iba nung tanurtem atema content aser user interface tem lir.
Company-i India nung content creators tajungtibatem nem YouTube Kids asoshi video tem yangludaktsü.
Android aser iOS nung amshitetba app nung noksa aser icon tuluba enoka lir aser iba jagi amshitsü zübadaktsür. Iba app nungsa voice search dena lir aser tanurtemi parnoki reprangnüba video tenüng shir reprangtettsü, ta Google sangdong ka nung metetdaktsü.
YouTube Kids app nung telemsa pezü nung channels aser playlists tem lir aser telemsa pezüji Shows, Music, Learning, aser Explore lir.
India nung iba app amshirtemi Little Krishna videos, Cat & Keet & Appu – The Yogic Elephant, ChuChuTV, Kids TV Galli Galli Sim Sim, Exam Fever Videos, LittleBabyGum amalatem reprangtettsü.
YouTube Kids nungsa parental control features aika lir aser itemji search settings (search off), timer (video viewing time), passcode provision aser background music o sound effects shibangbatem lir.
YouTube Kids app ya Chromecast, Apple TV, gaming consoles aser smart TVs ajanga reprangtettsü.
Iba app ya February 2015 nung saya aser tang tashi nung linük 20 nung angur. YouTube Kids nung 10 million downloads aser 10 billion video views jungogo, ta Google-i metetdaktsü.