India nung Zika virus tendangdak 10 lapoktsü

New Delhi, February 9 (Agencies) : Zika virus anema mapa inyakba akangshia, Hombarnü Health Ministry-i tan ita tatemlen tashi nung state balala nung diagnostic facilities tasen 10 lapoktsü ta osang metetdaktsü.
“NCDC aser National Institute of Virology (NIV) Pune nung diagnostic facility ana aliba den külemi February tatemlen tashi nung facility 10 lapoktsü” ta Health Ministry-i sangdong ka nung metetdaktsü.
Hombarnü kanga dang temaba jenjang nung senden ka alidang iba onük benoka lemsatep aser iba senden nung Health Ministry ketdangsertem den temang anema alibaren dak sendakba teloktem nungi teshimtet nübotem aden.
India nung diagnostic facility tasen 10 lapoktsü state temji – Tamil Nadu, Kerala, Puducherry, Karnataka, West Bengal, Uttar Pradesh, Gujarat, Madhya Pradesh, Odisha aser Assam nung lir, ta parnokisa metetdaktsü.
India nung aliba international airport 18 nung Zika virus indang osang tezüluba nung yuja lir aser ano tanga linüktem nungi arurtem asoshi informative pamphlets yangluogo. WHO tetuyuba nung shia aliba ama tayimtsü ajak mozütem amshia merüktetogo, ta Health Ministry-isa metetdaktsü.