India nunga animate asüba film ‘SING’ December ita sayatsü

New Delhi, November 10, 2016 : Matthew McConaughey aser Reese Witherspoon na ola amshia tangokba, animate asüba film “SING” India nung December ita sayatsü.
Universal Pictures ajanga sayaba film ya December 30, 2016 nü sayatsü, ta sangdong ka nung shia lir.
Shiruru agi sünga aliba tesem nung tangokba film nung Buster Moon (McConaughey)-i dapper koala ka ama theatre ka nung ketdangser shilem agia lir.
Film nung Buster-i iba theatre kanga meima ibaji kümzüka ayutsü atema bendanga agüja inyakba angutsü. Pa nükla amajok akümtsü mesükba tensa ka nung ibaji tanaben ajungkettsü mechi nung pai tatembangsa alima nung kententsü toktepba sentong tulutiba ayonga akaba iba film nungsa angutsü.
Iba tetoktepba nung kentener tajungtiba pungji: Mike (Seth MacFarlane), koya rongnung kentener; Meena (Tori Kelly), akmesen aketba shiti, Rosita (Witherspoon) ak chanu 25 tetsü; Johnny (Taron Egerton) gorilla gangster; aser Ash (Scarlett Johansson) punk-rock kentener jepju tem lir.
Item shilem agirtem ajak yagi parnok atema maongka tajung ama bilema Buster’er sentong nung adentsü aru aser pai parnok dang final tokteptsü atema tesayuba agütsüdang pai iba theatre tang masü saka tekümzüktsüji ano tanga-a lir ta angateta arutsü.
Iba film nung ken tejen aser tasen agi sünga lir. Iba den Frank Sinatra, Drake indang R&B, Katy Perry aser Lady Gaga nungeri adenba dena nüngutgu ken 65 tashi lir.
“SING” film nung ano kentener Stevie Wonders aser pop star Ariana Grande na sentepa yangluba motion picture indang soundtrack shitakba “Faith” dena lir.
Iba film ya Meledandri aser Janet Healy nati produce asü. Illumination film ajak ya tena sentepa produce asübatem lir.