India nunger 30,000-i linük anema apusotsü mulunga lir

New Delhi, January 28 (Agencies): India nung alir nisung 30,000-i kiralongrar telok, ISIS den densemer pei linük anema apusotsü mulunga lir, ta osang angazüker.
Osang ajanga ashiba agi, India nung nisung 30,000 dak temai ISIS den tongteprateper, aser parnokisa ISIS atema inyakja pei linük, India anema raratsü mulunga lir.
ISIS-i item nisungtem amshia India sorkar indang miim osang lazüktsü meranger, aser item osang nung ajemdaker kiralongrar teloki India linük anema apusotsü.
ISIS-i item nisungtem den online ajanga tongteprateper, ibayongji tang cyber ketdangsertemi social media nung item maparen nokdangtsü asoshi inyakdar.
Maharashtra Police, Anti Terrorism Squad (ATS) ketdangsertemi ashiba agi, tang tashi nung parnoki websites 94 shibangtsüogo. Item websites nungji ISIS dak sentakba osangtem anguba sülen item websites shibangtsüogo.