India nunger ajak tetsübu makai alitsü nüngdak: Tir Pranab

Kolkata, December 13 (Agencies): Deobar nü Tir, Pranab Mukherjee-i, India nunger ajak tetsübu makai litetra asen linük loktilibaren tashi ita alitsü, ta ashi.
Calcutta nung diocese bicentenary benjumgmung tatembangbuba sentong nung jembidang Mukherjee-i, tamangba yimsü ajaki ali meimchir temeimtep nung alitsü aser yimya tajung tesayubatem agütsür, ta ashi.
Tir Pranab-i, tangatetba tajung ajanga India nung tamangba yimsü aika inogo aser ibaji ajanga küm noklang aika asen sobaliba nung terenlok kaogo, ta ashi.
“Kin kidong, tasem aser tamangba yimsü kecha tebendang makai kodang nisung shia litetdir aser tetsübu kecha makai terenlok nung shilem agitetdir asen lokti tashi ita alitsü,” ta paisa ashi.
Taküm Uttar Pradesh, Dadri nung Muslim nunger kati nashi shi achi ta tai tonglokja telok kati pa tepsetba aser linük nung akhümtsübutep mali ta o toktepba mapang Mukherjee-i linük nüburtem taremzüktep nung alitsü aser longjema alitsü aiben ayongzüka liasü.