India nunger America senso ka indang film Oscar atema benokogo

Los Angeles, Nov 20, 2015 (Agencies): Oscar atema mezüng film 60 shi benoka liasü aser item rongnungi 10 küma shimshiogo. Tang shimteta aliba ter rongnungia ano film tatsü aser animation tarensen nung ajemdaker ponguang shimtettsü, ta Academy of Motion Picture Arts & Sciences sangdong ka ajanga metetdaktsü.

India nunger America senso agir alir, Pixar artist aser director, Sanjay Patel-i yangluba “Sanjay’s Super Team” animated film tatsüka, 88buba Academy Awards asoshi tang film tatsü 10 shimteta aliba rongnung densema lir.

Item film tem taruba December nung Los Angeles, London, New York aser San Francisco yimtitem nung sayutsü.

“Sanjay’s Super Team” ya pa tanur asüdang parnok tamangba yimsu, Hindu aser tanü asüng tensa na meputep ajiteta aser tebu ‘meditate’ asüba agi lakteter Hindu nunger tsüngremtem ‘superheroes’ amai bilemba film ka lir.

“”Sanjay’s Super Team” den Bear Story”, “Carface”, “If I Was God…”, “Love in the time of March Madness”, “My Home”, “An Object at Rest”, “Prologue”, “We Can’t Live Without Cosmos”, aser “World of Tomorrow” film tem ya tang tashi nung shimteta aliba film temji lir.

88buba Academy Awards ya February 28, 2016 nü akatsü sentong renema lir.