India nunger apuani na Dubai nung mi agi rongset

Abu Dhabi, Oct 6 (Agencies): Al Hamriya, Dubai nung apartment ka nung mi adokdang, yangji alir India nunger kibong lanu apuani naprongla rongset, ta media ajanga metetdaktsüogo.

Apartment tanabuba floor nung mi adokba osang ya fire department dang Hombar nikongdang phone ajanga metetdakja liasü, ta Emirates 24/7 News-i ashi.

Memonui iba tesemi fire brigade arua mi adoka aliba takdangji remseptsü.

Iba sülen mi den rarartemi tasümang ana kanga mejungi rongsar mi adokba taktang nung angu aser ashiba agi tena ya arishi küm 20 shi asütsü.

Iba dak sentakba nung police-i bushisüngdangertem yoka lendong tesem reprangshimdaktsüogo aser police nung ketdangser kati ashiba agi, apuani na ya kari asaa tepset asütsü südi.

“Tena sasa rongseta asü mesüra kari asaa inyakba asütsü ta onoki bilemer ajisüaka yangi mapa tuluka lir,” ta police otongdar kati ashi.

Tena tasüngmang kinungertem nem bendanga agütsüogo.