India nunger asür parnok 5 nem ‘UN’s dag Hammarskjold Medal’ agütsütsü

India nunger parnok pezü tasü itta pei taküm tenla agütsüba atema ‘United Nation’s Dag Hammarskjold Medal’ agütsütsü May 17, 2016 nü shimtetogo.

Iba naroküm agütsütsü atema alima ajonga nung police, military aser civilian parnok nisung 124 shimtetogo. Iba naroküm ji May 29, 2016 nü ‘International Day of United Nations Peacekeepers’ anogomung nung agütsütsü.

India nunger parnok pungoji yamai alitsü :

Head Constable, Shubhkaran Yadav: UN Organization Stabilization Mission in the Democratic Republic of the Congo (MONUSCO) nung tenzüka alidang April 2015 nung asü.

Rifleman Manish Malik: UN-MONUSCO nung tenzüka alidang August 2015 küm  asü.

Havildar, Amal Deka: United Nations Disengagement Observer Force (UNDOF) kübok tenzüka alidang June 2015 küm asü.

Naik Rakesh Kumar: January 2015 küm UN Mission, South Sudan (UNMISS) nung alidang asü.

Gagan Punjabi: MONUSCO  nung civilian ka ama UN Volunteers programme kübok tenzüka alidang January 2015 küm asü.

‘Dag Hammarskjold Medal’ mapatong ya  December 2000 küm tenzük. Tanabuba UN Secretary General aser Swedish diplomat Dag Hammarskjold 1953 nungi 1961 tashi inyaka aruba nüngtem nung iba naroküm sempet ya agüja arur.

Hammarskjold ya 1961 küm tayimtsü lendong ka nung tsükseta asü aser pa sür tanabuba küm pa nem ‘Nobel Peace’ sempet agütsü.

UN peacekeeping operations nung India nunger-isa tajungtiba tenzüker. Aser tanga India nunger military aser police amala UN missions mapa nung Cyprus, Cote d’Ivoire, Democratic Republic of the Congo, Lebanon, Haiti aser South Sudan linüktem oagi yaritepdagi.