India nunger Canada senso kati tetsü tepset

Toronto, October 26 (Agencies): Arishi küm 20 tain, Canada senso agir alir India nunger kati kidang mangatettep adoka tetsü tepsetba ken o nung pua lir, ta media ajanga metetdaktsü.

Kunal Bhavan-i kidang mangatettep adokdang, arishi küm 41 tain tetsü, Vaishali Patel tepsetba ajanga tang ‘second-degree murder’ kübok pua lir, ta Toronto Sun osang ajanga Deobar nü metetdaktsü.

Honibar nikongdang Mississauga city nung lendong atalokba sülen police aja aser parnoki Vaishali Patel mozü kidangi ilunga anir ao, ajisüaka la kanga mejungi yirur aliba ajanga mekümzükteti taküm tembang. Tang tashi nung police-i ano la koma yirur liasü ibaji temai adoka mashi.

Bhavan den külemi azünger medemer, Parth Midha-i, “Deobar anepdang Bhavan apuba osangkaket nung züngshidang ni kanga aoksa,” ta ashiba thestar.com ajanga metetdaktsü.

“Pa ya class-ia tetu arur kaketshir ka liasü—onok saisaponga külemi asaya, pa ya asaya menu meimer nisung ka aser tangar den kanga liro medema litetba nisung ka lir,” ta medemer jagi ashi.