India nunger Cricketer asayar Zaheer Khan InternationAl asaya nungi anisüngzükogo

India nunger Cricket asayar fast bowler Zaheer Khan international cricket asaya nungi anisüngzüker ta October 15, 2015 nü metetdaktsüogo.
Test asaya nung : Zaheer Khan-i Test 92 ben asaya ogo, idangji wickets 311 tashi agi. Tang tashi nung India nunger ball aoner rongnung wicket teimba agir rongnung Zaheer pezübuba lir. Mezüngbuba nung Anil Kumble (619), tanabuba nung Kapil Dev (434) aser tasembuba nung Harbhajan Singh (417). Zaheer-i mezüng Test asaya November 10 nü 2000 küm Bangladesh den asaya.
One Day Internationals (ODI): Zaheer Khan-i 200 ben ODIs yimya nung asaya aruogo aser idangji pai wickets 282 wickets agi. Pai mezüngbuba ODI October 3 nü 2000 küm Kenya den asaya aser tatembangbuba ODI asayaji Sri Lanka den October 3 nü 2012 küm asayaogo.
T-20 Internationals: Pai 17 -ben T-20 Internationals nung asaya aser idangji wickets 17 agi. Zaheer-i 2011 World Cup India-i takok marok angudang kanga junga asaya liasü, Iba asaya nungji pai wickets 21 agi. Pai mezüngbuba T20 December 1 nü 2006 küm South Africa den asaya.
2011 küm August ita nung Zaheer tetsüng yiruba sülen akhi ama masayateti akümba ajanga International asayanungji anisüngzük agitsüsa aküm.
Zaheer Khan ya October 7 nü 1978 küm Shrirampur, Ahmednagar, Maharashtra nung aso aser pai ODI asayadang T-shirt No. 34 semer asaya aruogo.