Tokyo, Rongchii 13 (Agencies) : Tanü Rogonü India nunger ka Japan lima tepuokdak ka nung pasasa soseta asü südi ta osang ka ajanga metetdaktsü.
Tepuokdak yua alirtem junga anepalu masür aser tekolok tim tema alirtem timi merepranger ta aitsüba mapang ka nung tang tesüsaba iba ya ataloker.
Arishi küm semer tema India nungbaji tzü chiguba taktang nung towel ka pa tekong longa alener lia tanükertemi angu, ta East Japan Immigration Center nungi osang ka ajanga metetdaktsü.
Pa anguba mapang tango mesashii dang liasü anungji CPR agütsür külen mozü kidangi anir ao saka ghonda ka shi lir külen pa süogo ta metetdaktsü.
Pa komaser asüar ano mejangjateter saka pasasa soseta asü südi, ta centre nung otongdar, Daisuke Akinaga-i metetdaktsü. Paisa ashiba agi, tang iba indangji police-i bushisüngdang südar saka pa tenüngji shibar pai ashitsü memulung.
Iba kasa centre nung puoka alirtem den inyaker (activist) ka tenüng agi Kimiko Tanaka-i ashiba agi, yashi Yangtepnü iba nisungbaji ketdangsertemi mechiok. Paji ita ter shi Japan nung tepuokdak liasü ta laisa shiogo.
You must be logged in to post a comment Login