India nunger nüchiso bushiba putiotsü junga mezülu: Kumar Bose

Kolkata, August 18 (Agencies): Tanü Netaji Subhas Chandra Bose’er kinüngertemi, India nunger nüchiso atema raraba putiotsü junga mezülu, anungji zülushitsüla, ta ashi.
Tanü Kolkata nung osangbenertem den jembidang Netaji’er kinünger, Chandra Kumar Bose-i, “India nunger nüchiso bushiba putiotsü junga mezülu. Netaji Subhas Chandra Bose aser Indian National Army (INA)-i shilem agiba indang junga shia mali. Tang Centre nung aliba sorkari India nunger nüchiso bushiba otsü metongshitsüla aser Netaji den INA-i agiba shilemtem junga bendena zülutsüla,” ta ashi.
West Bengal BJP unit lenir, Kumar Bose-isa, “Netaji samaba otsü balala ajakji junga asadangtsüla,” ta ashi.
Bose densema Netaji’er kinüngertem- Chitra Ghosh, Abhijit Roy nungeri Centre sorkar damg Netaji samaba kuli tejangja bushitsü atema tamalen takhangba agüja lir.
“2016 küm January 23 nü Netaji indang file ajak sangdongba atema onoki sorkar dang pelar,” ta paisa ashi.
Netaji ya 1945 küm sama aser pa iba kümji August 18 nü Taiwan nung aliba Taihoku nung tayimtsü lendong nung asü ta jembibaji par kinüngertemi magizükteter.
Yaküm January 23 nü (Netaji sor küm 119buba) Netaji indang file 100 Ato kilonser, Narendra Modi-i sangdonga liasü.