India nunger raraba jahaz INS Kochi tenzükogo

Mumbai, September 30 (Agencies): Tanü Mumbai, Naval Dockyard nung Defence Minister, Manohar Parrikar-i India Navy indang raraba jahaz INS Kochi sayatsüogo.
Iba raraba jahaz ya Navy in-house organisation, Directorate of Naval Design-i design asü aser Mumbai nung Mazagon Dock Ship builders Ltd-i yanglu.
Iba jahaz nung touzük ton 7,500 tashi bentetttsü, aser jahaz metong nung metre 164 aser beam metre 17 lir. Iba jahaz ya gas turbine pezü ajanga lungdaktsür aser tekaraji 30 knot tashi lir. Jahaz nung officer 40 aser sailor 350 mentettsü.
Iba jahaz ya alima nung raraba jahaz tajungtiba rongnung ka lir aser Indian Navy atema Multi-Function Surveillance aser Threat Alert Radar aliba jahaz tanabuba lir.
Sen crore 4,000 intoka yangluba jahaz ya India nunger raraba jahaz 10 buba lir.
Iba den kasa jahaz, INS Kolkata yaküm August ita nung tenzüka liasü aser tasembuba jahaz, INS Chennai sangküm küm tatemlen tenzüktsü.
Ano maneni MDL nungsa pezübuba stealth destroyer tuluba ka sen crore 29,644 intoka yanglutsü, aser ibaji 2018-2019 küm tenzüktsü.
Iba dak sentakba nung Admiral Robin Dhowan-i, “INS Kochi ya ajanga India Navy indang noklangnok techiraba kümdakja onoki Indian Ocean Region (IOR) nung asen tzü kümzüka ayuba maparen tajungba inyaktettsü. Iba ya ajanga indigenous jahaz yangluba nung tamang taliba kateter aser ‘Make in India’ mapatong ataloktsür,” ta ashi.