India nunger rongnung mezüngbuba FIH nung Tir, Narinder Batra

India nunger rongnung mezüngbuba süa International Hockey Federation (FIH) nung Tir asütsü atema Batra Narinder Batra November 12, 2016 nü shim. Narinder-i Spaniard Leandro Negre, 2008 küm nung tenzüka aliba menden melenzükogo. Hockey India nung Tir inyaka lia FIH nung 12 buba Tir menden melenzüker asütsü.
Narinder Batra ya April 18, 1957 küm aso.
January 7, 1924 küm Paris nung Paul Léautey-i FIH ya tenzük aser pasa mezüngbuba Tir inyak. FIH tenzükdang Austria, Belgium, Czechoslovakia, France, Hungary, Spain aser Switzerland linük nungi züngsem adenshia tenzük.
1927 küm International Federation of Women’s Hockey Associations (IFWHA) Australia, Denmark, England, Ireland, Scotland, South Africa, United States aser Wales linük temi tenzüka liasüba 1982 küm nungang International Hockey Federation (FIH) nung arua loktep.