India nunger scientist-temi Dengue tashitak atema atema süngo tuo agi yangluba mozü (Herbal Medicine ) yanglutetogo

Merila ajanga menatepba tashitak koba dang ‘Dengue’ ta ajar, iba tashitak den raratsü atema India nunger scientist-temi mezüngbuba traditional Indian medicine system, Ayurveda amshia yangluogo.
Iba mozüji ‘velvetleaf’ ta ajaba narodong ka nungi Cissampelos pariera Linn (Cipa extract) agizüka yanglu.
Union Ministry of Science & Technology aser International Centre for Genetic Engineering & Biotechnology nati senteper Department of Biotechnology (DBT) kübok acha-ayanga iba mapatongji inyakdagi.
Aji oda süaka, scientist-temi iba mozüji tang tatem küma tendangtsü aser Union Ministry of Ayush & Drug Controller of India (DCI) dang nungi temelaba agir sülen tesem balala nung ayoktsü belenshitsü ta sangdongogo.