India nunger sen ‘Rupee’ raksadar masü raksaogo: Rahul Gandhi

New Delhi, Mongputeni/October 04 (Agencies): US sen dollar 1 den medemdangra India nunger sen ‘rupee’ bo sen 73.77 tashi jenjang mejungi akumba nung ajemdaker tanü Congress Party Tir, Rahul Gandhi-i, India nunger sen jenjang raksadar masü raksaogo, ta aitsü.
Alima nung totzü jenjang maneni atuba ajanga linük senpong nung sentsüh atema shisabuluba mapang ka nung yashi US dollar ka den medemdangra India nunger sen ‘rupee’ bo 73.77 tashi jenjang mejungi akum.
Ato kilonser, Narendra Modi-i aniba NDA sorkar aija Rahul-i twitter ajanga, “Rupee jenjang 73.77 tashi mejungi kümogo. Iba ya raksadar masü saka raksaogo,” ta aitsü.
Yashia Gandhi-i, India nunger sen jenjang tamajungba kümaka Ato kilonser, Modi-i ola madokba atema aija liasü.
Pai twitter nung Hindi oshi agi, totzü aser gas jenjang sashia atur, aser nüburtem ayimtener, ajisüaka Ato kilonseri ola madoker, pai kodang ang ola adoktsü? ta asüngdanga liasü.
‘Tajung anogotem’ to koda?, ta asüngdanga Congress tongti, Rahul-i, “Rupee sen 73 ajangogo aser osettsüset jenjang atuba ajanga nüburtem ayimtener. Totsü aser gas jenjang tali khaketa tuogo aser markets jenjang tamajungba akumer. Teko tematsük inch 56 (Modi) alisangi ola madoki kobika alitsü,” ta asüngdang.