India nunger shingai China nunger osettem malitsüla: Baba Ramdev

Haridwar, August 05 (Agencies): Sikkim kübok Doklam nung China aser India sepaitem tsüngda tensa mejungi aliba mapang ka nung tanü yoga tesayur, Baba Ramdev-i India nunger dang China nungeri adokba osettem alia mamshitsü ajungshi.
Osangbener den jembidang Ramdev-i,”China-i jakdaka Pakistan nungi kiralongrartem pusemer. Asenoki Pakistan nem tim meyiptsütsüla, aser iba atemaji asenoki tamasa Pakistan Occupied Kashmir (PoK) agitsüla, aser tanabuba nung China nungeri adokba/yangluba mobile, anütettsü, gari, kazütsü osettem mesüra tanga osettem mamshitsüla,” ta ashi.
Paisa yimtenren lenirtem danga, yimtenren nung mangatettep liaka iba onük nung nungbo longjemer inyaktsüla, ta ayongzük.