India nunger teyari kodanga masüngdangtsü: Hyrbyair Marri

Islamabad, October 10 (Agencies): Pakistan nung Baloch separatist lennir, Hyrbyair Marri-i, Baloch teloki Pakistan dang nungi nüchiso angutsü asoshi India nunger dang teyari kecha masüngdangtsü, ta ashi.
Marri-i, “Ni “independent Balochistan” atema rara ka liasü aser Baloch nunger timba kati Pakistan kübok meliner,” ta ashiba BBC Urdu website ajanga metetdaktsü.
Ajisüaka pa mesüra pa den yaritepertem ya Balochistan Liberation Army (BLA) telungpur den tesendaktep kecha mali, ta Dawn osangkaket ajanga sangdong.
Marri-i ashiba agi, iba nüjiso rara nung ni kodanga India dang nungi teyari memeshi aser ano tarutsü nunga memeshitsü.
Pai ‘Free Balochistan Movement’ asoshi pa India-i ao ta osang prokba aitsüogo.
Hyrbyair Marri ya 2000 küm nungi London nung oa jenoka lir aser pai shibangtsür aliba BLA telok anitsü ta jembir, ta osang kar ajanga ashi.
Balochistan Liberation Organisation (BLO) nung züngsem, Balaach Pardili-i, “Ni kobi melii Nawabzada [Hyrbyair] Marri Delhi tonga arudang agizüktsü remena lir,” ta ashiba India nunger osang ka ajanga metetdaktsüogo.