India nunger US senso lawyer ka akümket senpet asoshi tenüng shimokogo

New York, August 14 (Agencies): Thomson Reuters Foundation meyong ‘TrustLaw Lawyer of the Year’ senpet atema India tsür America senso attorney, Richa Naujoks tenünga shimokogo.

Iba akümket senpet ya alima nung aliba NGO aser social enterprise tem atema legal team temi sen taa magi-i nüngdakba mapang okatsüba atema agütsürba lir.

Item rongnung kija-i inyakba tarensen nung India aser US naprongla senteper Richa Naujoks tenüng ang shimoka lir, ta sangdong ka ajanga ashi.

Richa ya National Law School of India University, Bangalore aser University of Washington, Seattle (LLM) nungi graduate asü aser Nixon Peabody LLP New York City office nung sentaktepa inyaker. La ya tang ‘American Bar Association’ nung India lokti tentet meyong International Law Section nung medenbula lir.

Iba senpet asoshi Richa Naujoks tenüng benokba ya lai India aser US na meyong Wello indang ‘legal & operational structure’ atema kecha taa magi maparen tulu inyaktsüba asoshi Mumbai nung aliba ‘Wello’ ajanga benkoktsüba lir.

Wello ajanga ‘water wheel’ yanglur aser ibaji ajanga tetsür tanurtem kecha tim metemi tesüngda talang nungia ki tonga tzü bener aruteter.

TrustLaw ajanga nübur aser alima atema inyaker lokti tentet balala angati yaritsü asoshi legal team tem den sentaktepa kümdaktsür. NGO tem den yariteptsü asoshi alima ajak nungi parnok den lawyer 100,000 dak tema lir.

Wello nungi dang masü saka South Asia nung aliba project balala den NGO tema iba 2015 senpet asoshi tenüng agüja lir.

India nungi LawQuest-a Nazdeek Trust meyong süngojok yangluba mapa nung ita sen shitak agütsütsü aser ano project aika nung yariba nung ajemdaker iba senpet asoshi tenüng ia lir.