India nungeri Rambo character meraksatsütsü imlar: Stallone

Los Angeles, May 20 (Agencies): Actor tejen Sylvester Stallone-i India nungeri Rambo character meraksatsütsü imlaba lemsatep. Nüngtugu Hollywood action movie Rambo ya Hindi nung yanglushitsüba lir.
Stallone shibai iba film nung tongti shilem agi, pai Hokolbar aonung Instagram ajanga iba osang lemsatepa den külemi Rambo indang poster ka lemsatepa liasü. Iba film ya David Morrell indang otsü kaket ‘First Blood’ nung ajemdaker yangluba film ka lir.
“Ni tawa India nung Rambo film yanglushir ta angazükogo. Iba character ya kanga tajung lir aser parnoki iba ya meraksatsütsü imlar,” ta noksa den külemi Stallone-i caption ka zülutsü.
Rambo film mezüngbuba “First Blood”, ya 1982 küm yanglu aser iba film ajanga alima ajunga nungi senteper sen million $ 125 aazük. Iba sülen 2008 tashi nung iba film maneni yanglushia aruogo, koba ajanga alima ajunga nung sen million $113 aazük.
India nung iba film yanglushiba nung Tiger Shroff-i tongti shilem agitsü aser Siddharth Anand-i direct asütsü. Maneni iba film ya M! Capital Ventures, Original Entertainment, Impact Films aser Siddharth Anand Pictures tem sentepa produce asütsü, ta osang ka ajanga metetdaktsü.
Iba film otsü nung Indian Armed Force züngsemtem rongnungi tatembang India-i meyipa aruba sülen par linük nunga rara aliba ngutetba aser koda pa kichai menokdangteti maparen balala inyak, iba dak sendakba otsü ka lir.