India nungi Libya-i bener aoba ISIS ‘Fighter Drug’ aika apu

Rome, November 4 (Agencies): Libya nung Islamic State (IS) teloki yokdoktsü aliba mozü aika Italian police-i apu.
Mozüji sen 50 million euros shi alang liasü aser mozüji India nungi Libya-i bener aoerba liasü. Tramadol süngjang million 24 ji Italy kübok Gioia Tauro port nung apu.
Iba painkiller mozü dang “fighter drug” ta ajar aser jihadist temi kanga bulua amshir. Iba mozü ajanga anibelem süngzükdaktsür aser tashitsü atuba süngjemtsür.
Mozü indang jenjangji 50 million euros ($58 million) shi asütsü ta police-i ashir.
IS teloki mozüji parnok foot soldiers dang ayoktsüba sentong liasü. Parnoki süngjang kaji euro ana yong ayoker.
“Tramadol mozü shibelenbaji IS-i indangindanga inyaker ta foreign investigative sources dang metetdaktsüogo. Parnoki alima tesem balala nung kiralongraba mapa inyaktsü atema sen bendentsü nükjidong nung mozü shibelener” ta Reggio Calabria yimti nung okatsür kati ashi.
“Mozü nungi yokzükba sen shilem ka Libya, Syria aser Iraq nung kiralongrar aser telungpur teloktem nem agütsütsü” ta paisa shisem.
DEA (US Drug Enforcement Administration)-i teyari agütsüba ajanga mozütemji apu, ta paisa metetdaktsü.