India o Zimbabwe na mezüng T20 asaya India kokogo

Harare, July 17 (Agencies): Harare Sports Club nung India aser Zimbabwe na Hokolbar nü T20 mezüng asaya nung India mezüng batting liasü.
India nunger batsman Ajinkya Rahane-i runs 33, Murali Vijay-i runs 34 aser Robin Uthappa-i runs 39 (not out) yanglua toktsü.
Iba den külemi Zimbabwe nungeri ball aonba mapang runs talila 25 agütsüsemba ajanga ano India nunger yarisem. Anungji India nunger nisung pongu out ser ajak meyokteper runs 178 tashi yangluteta yutsü.
Iba sülen Zimbabwe nungeri India nunger akoktsü ashoshi runs 179 yanglutsü atema batting asüdang India nunger bowler Axar Patel aser Harbhajan Singh nati spin kanga junga aonba ajanga par team takokleni anir ao.
Axar Patel-i runs 17 agütsür wicket 3 agi aser Harbajan Singh-i runs 29 agütsür wicket 2 agi.
Azar Patel, Manish Pandey, Kedar Jadhav aser Stuart Binny nunger atema iba asaya ya T20 international nung mezüng shilem agirba lir.
Ano Mohit Sharma-ia runs 8 agütsür wicket 1 agia liasü.
Yamaji India nunger bowler temi kangsa junga ontetba ajanga Zimbabwe nungeri runs ajak agi 54 dang yangluteter ajak out süadok.
Iba takok ya ajanga tan asayamung nung India 1-0 agi Zimbabwe jakdang akümer.
Tena tsüngda tanabuba T20 asaya ano Deobar nü kasa tesem nung asayatsü.