India Open nung Kamal quarter final tongogo

New Delhi February 18 (Agencies) : Tang tasayadak India Open table tennis asayamung nung Hokolbarnü India nungi Table Tennis asayar Achanta Sharath Kamal-i Japan nunger Yuto Muramatsu madak takok anguba ajanga pa quarter-finals tongtetogo
World No. 11 Kamal-i tetenzük nung kanga junga asaya aser pai 11-8, 11-7, 11-4, 14-16, 11-4 agi Muramatsu madak takok angu.
Ano Germany nungi World No 5 Dimitrij Ovtcharov-ia tebur kija asayaba nung quarter-finals-i melamela iogo. Pai 11-3, 11-3, 11-5, 11-4 agi Portugal nunger Joao Geraldo madak takok angu.
Chennai nung asosang, Kamal-i pa den asayar ajak melamela akok, ajisüaka Japan nungba den ang tera saaka asaya.
Muramatsu-i game pezübuba nung kanga junga asayatsü tenzük. Pai 5-2 ngua liasü ajisüaka India nungbai junga asaya meso aser 6-5 aküm.
Ano khen lir Japan nungbai 9-9 kümdaktsü. Iba amaji mapa tatsüka kasasa atu saka Kamal-i khen junga mazükba agi 15-14 aküm aser maneni tua game akok.
Iba sülen asayaba game jibo ano Kamal-i melamela akok.