India Open: Sania Nehwal semifinal-i iogo

New Delhi, April 01 (Agencies): Defending champion, Saina Nehwal-i lar quarterfinal asaya koka tang tasayadak India Open Super Series tetsür singles semifinal asayatsü jenjang tanü, Hokolbar nü nguogo.
Taoba mapang Olympic bronze medal agizükla, Saina-i ghonda 1 ser minute 23 nung points 19-21, 21-14, 21-19 ngua tetsür World No. 8, Korea tsür, Sung Ji Hyun madak takok angu.
Tan takok anguba ya densema, Hyderabad tsürla, Saina-i Sung madak asaya 6 buba akoker lir.
Saina-i tetsür World No. 2, China tsür, Li Xuerui den asüng, Honibar nü semifinal asayatsü lemzükogo.
Tan asayamong nung 3 buba jenjang abenla, Xuerui-ia points 22-20, 12-21, 21-17 ngua külem sensotsür, Wang Shixian quarterfinal asaya nung tsükdaktsü.
Ajisüaka, taoba mapang World Championship bronze medal anaben tashi agizüker, India tsür, PV Sindhu-i tanü quarterfinal asaya nung tamakok ajurua liasü.
Korea tsür, Bae Yeon Ju-i points 15-21 21-15 21-15 ngua Sindhu tsükdaktsüba sülen Thailand tsür, Ratchanok Intanon den semifinal asayatsü lemzükogo.
Taoba All England champion, Intanon-ia points 12-21, 21-14, 22-20 ngua Chinese Taipei tsür, Tai Tzu Ying madak quarterfinal asaya koka liasü.