India-Pak army ketdangsertem yimjung atema bangjemtep

Jammu, September 21 (Agencies): Hombar nü India aser Pakistan army nung local field commander tem tsüngda Jammu & Kashmir arrtsülen Line of Control (LoC) nung temzüng alema meinyaktsü melungtepogo, ta army ketdangser kati ashi.
“Tanü Chakan Da Bagh crossing point, LoC, Poonch district nung India aser Pakistan army tsüngda brigade-level flag senden ka menogo. Iba senden nung field commander temi ceasefire temzüng alema inyakba, nübur alitak injang bomb/yokba aser LoC nung injang mezünga akartemi injang yokba densema onük aika süoka jembiogo,” ta Indian army northern command otongdart Colonel SD Goswami-i osangbenertem dang ashi.
“Ghonda ka jungnüa senden amendang linük ana tsüngda ceasefire atema melungtepogo,” ta paisa shisem.