India, Pak ketdangsertemi Indus waters atema jembitsü

New Delhi, Metsüremi 28 (Agencies): Metsüremi (March) 29-30, 2018 anogotem nung New Delhi nung India aser Pakistan ketdangsertemi Indus Waters Treaty kübok tentetba Permanent Indus Commission (PIC) indang jembitsü.
Iba tezüngzüktep mapa küma amalitepa inyaktsü atema PIC ya tentet, iba den külemi Indus water systems achaayanga amalitepa inyaktsü asoshi PIC ya tentet.
113buba Commission sendenji yaküm Metsüremi ita nung Pakistan nung mena liasü aser tang New Delhi nung 114buba senden nung technical indang jembitsü.
Jammu and Kashmir nung aliba Indus ayong nung yimokba ayongtem nung India-i project ana amenokba- 330 MW Kishanganga hydroelectric project aser 850 MW Ratle hydroelectric project ji Pakistan-i ashishia arur.
Indus Waters Treaty tezüngzüktep ya 1960 küm agia liasü aser iba nung ya ayong trok densema lir- Beas, Ravi, Sutlej, Indus, Chenab aser Jhelum lir.
World Bank-i achaayanga iba treaty ajanga mezüngbuba ayong asem tzü amshitsü atema India nem temeden agutsür aser tanüngba ayong asem tzü amshitsü atema Pakistan nem temeden agutsür.
India-i ashiba agi, iba treaty kübok India litsü nung aliba ayongtem nung hydropower plants amenoktsü atema parnok dak tashi lir; ajisüaka Pakistan-ibo par litsü nung yimokba tzü ajema akumtsü tsübua India nunger project ashishir.