India-Pak shishilembaba ajema kümogo: Assocham

New Delhi, September 25 (Agencies): India aser Pakistan na tsüngda tesentaktep kanga mejungi aliba mapang ka nung tanü industry tentet, Assocham-i linük ana tsüngda shishilembaba jenjang kanga ajema kümogo, ta ashi.
“India-Pakistan shishilembaba tesentaktep kanga ajema kümogo,” ta Associated Chambers of Commerce & Industry of India (Assocham)-i ashi.
“2015-16 küm India nunger shishilembaba US sen billion 641 nungi Pakistan den shishilembabaji US sen billion 2.67 (shilem 0.41%) dang liasü,” ta Secretary General Assocham, D.S. Rawat-i sangdong ka ajanga ashi.
“Anungji MFN (Most Favoured Nation) maongka liaka ibaji ajanga linük tsüngda shishilembaba nung kecha mesütet,” ta pai ashi.
“India-i Pakistan nem MFN maongka agüjaka Islamabad-i telangzüba magütsür. MFN jenjang liaka Pakistan-i India dangi export asübaji dollar billion ka tesadang dang nungia tajemba liasü,” ta paisa shisem.