India-Pak tebilemtsü onüktem atema ken o maneni jembitsüla: US

Washington/New Delhi, August 27 (Agencies): India aser Pakistan linük nati mangatettep onüktem atema maneni ken o jembitsüla, ta shia US-i linük ana dang aitsütepba anentsü ajungshir, ta ashi.
State Department tongti ketdangser kati, “Linük anapronglai tebilemtsü onüktem atema maneni ken o jembiba ajanga tebilemtsü koktettsü aser tarendakba malitsü. Anungji (linük anati) maneni sorkar ana tsüngda tebilemtsü onüktem atema ken o jembitsü onoki imlar aser ajungshir,” ta ashi.
Kashmir onük dak sentakba onüktem nung US ketdangserisa, iba ya linük ana tsüngda ken o ajanga latettsü nüngdak ta US-i bilemer, ta ashi.
Linük ana tsüngda tanen makai aitsütepba dak sentakba nung ketdangseri, “Ni bilemer, kodang aitsütepba lidir tensa ka tenzüktsü, koba ajanga ken o jembitsü maparen maongka ajema akumtsü,” ta ashi.
“Iba den külemi, kiralongraba onük nung tebilemtsü onüktem aser tejashitemji onoki (US) angatetogo,” ta paisa ashi.
“Kiralongrar teloktem kong nungisa amenoker inyakdir inyakaka parnok anema inyaktsüla, kiralongrartem nem tejenokdak magütsütsüla, aser tebendang (kiralongrar tajung aser kiralongrar tamajung) malitsüla ta onoki nija aser sorkar sangdong balala ajanga tejangja shiogo,” ta paisa ashi.
“Item tebilemtsü onüktem atema amalitepa inyaktsü onoki mepishiogo,” ta senior State Department ketdangserisa ashi.