New Delhi, August 02 (Agencies): Sorkari shidi sen nung Mahatma Gandhi indang noksa melentsü mesüra tanga lenir kar noksa agi melentsü sentong mali, kechiyong ibaji UPA sorkar yimsüsüba mapang nung temaba jenjang nung committee kati lemtetogo, ta tanü Rajya Sabha senden nung metetdaktsü.
Tasüngdangba ka langzüdang Minister of State for Finance, Arjun Ram Meghwal-i, “UPA yimsüsüba mapang nung Committee ka tenteta liasü, aser parnoki, shidi sen nung Mahatma Gandhi noksa melentsü nüngdak madoker ta lemtetogo,” ta metetdaktsü.
Question Hour mapang nung Union Finance Minister, Arun Jaitley-i, bank sen dak sentakba nung mapang mapang shia sorkari RBI den angatettepa telemtetba agir, ta ashi.
“Bank sen design aser security features melentsü atema mapang mapang shia sorkari Reserve Bank of India (RBI) den angatettepa telemtetbatem agir,” ta Union minister-i ashi.
You must be logged in to post a comment Login