India sorkar aser NSCN IM tanü senden amentsü

Kohima, October 30 (Agencies): October 30, 2019 nü India sorkar aser NSCN IM tsüngda senden ka amentsü aliba asüng ang amentsü atema thinenogo. Interlocutor aser Nagaland Governor RN Ravi-i taoba mapang sangoktsüba osang nungbo asüng ya tatembang anogo asütsü.
Tanü India sorkar aser NSCN IM tsüngda senden anaben amentsüba liasü. Tanep 11:00 ako nung mezüng sendenji amen aser iba nung telemtetba kecha magitetaka senden timi dang amen, ta osang ajanga ashi.
Tanabuba sendenji tanü nikongtsütsü amentsüba liasü saka asüng ang amentsü thinen, ta osang ajangasa shisem.
Interlocutor RN Ravi-i October 31 tashi nung Naga yimten olemtep tembangtsü ta shia liasü saka tang India sorkar aser NSCN IM tsüngda tensa reprangdangra, olemtep mapang atsülangtsüsa akümtsü.
Külen, NNPGs aser India sorkar tsüngda tangatettep kati aruogo saka NNPGs pur New Delhi nung dang lir. Parnoki mashii anogo ka nung sign asütsü renema lir ta shiogo.