India sorkar aser NSCN(IM) angatettepba atema tenüngsang agütsür: WC

Dimapur, November 1 (TYO): India sorkar aser NSCN (IM) tsüngda angatettepba atema tenüngsang agütsür. NSCN(IM)-i yimjung aser tanü tensa den apet iba telemtetba ya agi asütsü ta amanger ta WC, NNPG-i metetdaktsü.
WC aser India sorkar tsüngda olemtepa arudang Naga lima nung sobaliba maitsü atema Naga emblem/flag amshitsü jembia liasü, ta Media Cell, WC, NNPG indang sangdong ka nung ashi.
Naga wako ya yimten maitsü ka lir aser iba ya sobaliba maparen atema dang mamshitsüla. Anungji, Naga nungertemi ola ka ser iba atema yimten aser ozüngi melaba atema maneni inyaktsü. Naga nunger yimten mapa tenzükdang nungi wako ya amshia aru aser iba ya asen yimten maitsü aser taginüba sayuba lir, ta Media Cell-isa metetdaktsü.