India sorkar o NSCN-R na yimjung küm ka atsülangogo

New Delhi, April 27, 2016 :  India sorkar o National Socialist Council of Nagaland (Reformation) (NSCN-R) na tsüngda ano küm ka yimjung nung alitsü asoshi tangatettep ken o renemogo. Iba yimjung mapang ya Brehostibar anogo nungi tenzüktsü.
Yaküm NSCN-K den yimjung mapang anenba mapang, India sorkar o NSCN-R na tsüngda yimjung yanglua liasü aser iba yimjung ken o renema alibaji meyipa reprangshia ken o lemteper külen April 28, 2016 anogo nungi ano küm ka yimjung alitsü lemtetogo.
Iba yimjung tangatettep ken o ya India sorkar tenüng nung Joint Secretary, Satyendra Garg-i sign asü aser NSCN-R tenüng nung Imlongnukshi Chang o Kavishe Sumi nati sign asü.