India sorkari SIM Card angati agütsütsü

February 17, 2017(Agencies): Union Tourism Minister Mahesh Sharma-i Bodhbarnü India-i raliwalir ‘e-visa’ nung arurtem atema ‘pre-loaded SIM cards’ amenlokogo.
Iba SIM card Bharat Sanchar Nigam Limited-i agütsütsü. iba SIM nung sen 50 talk time aser 50MB Internet data angati agi agütsütsü.
“Iba sentong amenba ajanga bendang lima nungi raliwalirtemi India tongli parnok metettepa alitem den yakta osang agitettsü,” ta Sharma-i ashi.
“Maneni raliwalirtemi parnok oshi nung osang balala 24×7 Tourist Helpline amshia ngutettsü. 24×7 Tourist Helpline ajanga oshi 12 atema teyari agutsür.
Iba facility Delhi, Indira Gandhi International Airport nung mezüng angutsü, aser iba sülen linük nung tanungba international airport 15 nung iba sentong amenloktsü, ta minister-i shisem.
Iba maongka tang atemabo e-visa amer alir nem dang agütsütsü, kechiyong parnok indang temetettsü ajak sorkari parnok maru tsüngda jangjar alir, ta Tourism Secretary Vinod Zutshi-i ashi.
“Onoki iba maongka traditional tourist visa nung arurtem atemaa agütsütettsü magütsütettsüar asadangtsü,” ta pai shisem.
‘e-visa’ ya tang tashi nung linük 161 nung aliba nübortem nem agütsür, aser 2016 nung e-visa lakh 10 agütsüogo, ta minister-i maneni shisem.