India sorkari Sports Budget timba küma ajungkettsütsüla: AICS

New Delhi, January 09 (Agencies): Tan asentenshiba All India Council of Sports (AICS)-i sports budget timba küma ajungkettsütsü tajungshiba olen ka India sorkar den tanü Honibar nü benokogo.
“Tang atazükja aliba budget sen crore 886-ji India ama linük tulu atema kanga dang ajema lir,” ta shia, AICS-i budget ajungkettsütsütsü onükji benok.
Ano, India kübok densemba state ajungai medal agizüker asayartem nem sako senpet sen agütsütsü onüka AICS-i benoka liasü.
India ajunga nung ‘Sports for All’ mapatonga tenzüktsü asoshi AICS-i tanü senden amendang lemtetogo.
“Tang saisapontsü sabang asoshi atazüktsüba sen kanga dang ajema lir. Nütsüng yongsük nisung billion 1.25 shi densemba India linüki saisapongtsü sabang atema tajemba agi sen crore 12,500-bosa atazüktsütsüla,” ta AICS lenisang, VK Malhotra-i nenshia ashi.
Taoba küm 11 shi mapa meinyaki arur külen AICS teloki tan asentenshir lir.