India South Asia nung temaba jenjang nung lir

London, July 14 (Agencies): Alima ajunga nung football asayabaren ketdang asür, Fédération Internationale de Football Association (FIFA)-i tan tesüsa adoktsüba asayar telok tarensen nung India telok South Asia ajunga nung temaba jenjang nung aliba osang jangjaogo.
Stephen Constantine-i aniba India teloki Laos telok madak taoba June ita takok ngua asayaba sülen tang Asia ajunga nung 27 buba jenjang nung aliba aser alima ajunga nung temaleni jenjang 11 tashi tua tang 152 buba jenjang atongba osang angazükogo.
Taoba June ita asayaba 2019 Asian Cup qualifying asayamong nung India teloki Laos telok madak pei asayadak asaya goal 6-1 agi akok aser bendanglen asayaba asaya nunga goal 1-0 agi takok ngua ajak agi points 49 tashi ajangzüka liasü.
FIFA rankings nung 39 buba jenjang abener, Iran Asia ajunga nung temaba jenjang ngua lir aser par telok sülen anidaka, 48 buba jenjang abener, Korea Republic aser 57 buba jenjang nung alir, Uzbekistan telok na 2 buba aser 3 buba jenjang nung aliba osang jangjaogo.
Ano külen, alima ajunga tarensen nung Argentina telok maneni 1 buba jenjang nung lir.
Argentina telok sülen anidaka, Belgium aser Colombia telok nati maneni 2 buba aser 3 buba jenjang abentsü jenjang ngua lir.