India Tatong Tir Venkaiah Naidu-i Sikkim semdangtsü

Gangtok, January 31 (Agencies): Sikkim Chief Minister Prem Singh Tamang-i India Tatong Tir M Venkaiah Naidu den ajurutepa senden ka amen.
Iba senden nung Lok Sabha MP Indra Hang Subba, Secretary to the Chief Minister S.D Dhakal aser Resident Commissioner Sikkim House, New Delhi A. K Chand nungertem aden.
Senden nung Chief Minister-i Naidu dang March 2020 nung Sikkim semdangtsü atema jaok aser ibaji pai pelashishia agizük.
March 14 aser 15 anogotem Naidu-i Sikkim semdangtsü aser idangji Gangtok nung Thakurbari Temple lapoktsütsü.
Paisa SRM University indang 2 buba Convocation nung Tongti Tesemdanger ama adentsü.
Chief Minister Tamang-i küm ka inyaka arudang state tejakleni anir aoba atema Naidu-i tenüngsang agütsü.
Tamang-isa Vice President dang pelaba metetdaktsü aser tawa Sikkim-i tourism wadang asoshi sempet anguba indang osang lemsatep.
Taoba küm ka tsüngda Sikkim nung domestic aser international tourists aika aruogo, ta paisa metetdaktsü.